KASAYSAYANG WALANG SAYSAY –tula ni E. SAN JUAN, Jr.


ImageKASAYSAYANG WALANG SAYSAY NA SINIKAP ISALAYSAY

  

Saglit nabikig ang buntong-hininga

                                                                 singaw ng bangungot sa umaga

 

                        Bayang magiliw     lupang hinirang

 

Habang tumatawid sa EDSA

                                                        nahagip ng buhawing motorsiklo

 

Tumilampon ang bungo’t sumambulat

 

Bago mag-agaw-dilim, nabura na ang bakas ng duguang katawan

 

                                     sa alikabok ng lansangang nagsalikop sa Cubao

 

                        Aling pag-ibig pa ang hihigit kaya

 

Nagkawil-kawil ang balita   hinuha  sulsol   bugtong naging bukambibig

 

Tulyapis na lumipad lumutang sa buntot

 

                                                                     ng inalimpungatang buntong-hininga

 

Ngunit sinong makahuhula’t makapipigil

                                                                                sa aksidenteng itinadhana

 

Kapalarang kaipala   ang tunguhin ng  sandakot na lupa

 

                        Ubusing itigis         Aling pag-ibig pa

 

Walang bakas sa alikabok ng “Brokedown Palace,” sumbat ng nakatirang             aswang  o mangkukulam doon

 

                        Ibong mang may layang lumipad

 

Nakintal sa isip ng nakasaksing istambay

 

            ang bulong ng amihang nasagip ng buhawing nagsahimpapawid

 

 

                                                            –E. SAN JUAN, Jr.

 

 

About philcsc

E.SAN JUAN, Jr. directs the Philippines Cultural Studies Center, Washington DC, USA and lectures at the Polytechnic University of the Philippines, Manila, Philippines.
This entry was posted in DISCOURSES ON CONTRADICTIONS. Bookmark the permalink.